سەرایا سەلامی سەر بە موقتەدا سەدر ئامادەکاری دەکات
دۆخی عێراق بەرەو ئاڵۆزبوونەوە دەچێت و سەرایا سەلامی سەر بە موقتەدا سەدر ئامادەکاری دەکات
بازمیدیا
بڕیارە ھەفتەی داھاتوو چوارچێوەی ھەماھەنگی دەست بکاتەوە بە ھەنگاوەکانی پێکھێنانی حکومەتی نوێی عێراق .
سەرچاوەیەکی ئاگادار لە پەرلەمانی عێراقەوە بە بازمیدیای ڕاگەیاند: بڕیارە لە ماوەی یەک ھەفتەدا چوارچێوەی ھەماھەنگی ڕێکارەکانی دانیشتنی پەرلەمانی عێراق تەواو بکات تایبەت بە پرسی یەکلایی کردنەوەی پۆستی سەرۆک کۆمار.
سەرچاوەکە ئەوەشی ئاشکراکرد:
کە لایەنگرانی سەدر ئامادەکاری دەکەن بۆ خۆپشاندان و دەستپێکردنەوەی جموجۆڵی سەربازی لە لایەن سەرایا سەلامی باڵی سەربازی سەر بە موقتەدا سەدر، ئەمەش ئەوە دەگەینێت کە دۆخی عێراق گەیشتۆتە بنەبست و یەکلایی دەکرێتەوە.
بەپێی زانیاریەکانی بازمیدیا چوارچێوەی ھەماھەنگی چاوەرێی ھەریەکە لە پارتی و یەکێتی دەکات بۆ پێشکێشکردنی کاندیدێکی ھاوبەش بۆ پۆستی سەرۆک کۆماری عێراق و دەستپێکردنی دانیشتنی پەرلەمان.
